GUIMARAS – Duha ang patay matapos nga naigo sang kilat sa Brgy. San Enrique (Lebas), San Lorenzo, Guimaras.
Ginapahayag nga ang mga biktima ang nagapanggarab sang naigo sang kilat kag gilayon nga gindala sa Dr. Catalino Gallego Nava Provincial Hospital sa banwa sang Jordan.
Suno sa pamilya, dead on arrival sa hospital ang mga biktima nga sanday Noel Españela, 31 anyos kag Michael Gabayeron, 49 anyos.
Ginapahayag nga may iban pa nga naka-angkon sang pilas kadungan sang pag-igo sang kilat apang ang duha lang ka mga biktima ang natam-an.
