Duha ka tawo ang patay kag walo ang pilason sa isa na naman ka insidente sang pagpangluthang nga natabo sa guwa sang isa ka grocery store sa Fordyce, Arkansas sa Estados Unidos sang Amerika.
Suno sa Arkansas State Police, lakip ang isa ka law enforcement officer sa mga napilasan sa amo nga shooting.
Nakaangkon man sang kritikal nga mga samad ang suspek kag napaidalom na subong sa kustodiya sang otoridad.
Ini nga insidente sa Arkansas ang natabo kasunod man sang shooting sa Oakland, California sang Myerkules kun sa diin 15 ka tawo ang nasamaran kadungan sang Juneteenth events malapit sa Lake Merritt.
Sang amo man nga adlaw, pito man ka mga tawo ang napilasan sa separado man nga pagpangluthang sa Philadelphia.
Yara na sa 234 mass shootings ang natabo sa United States subong pa lamang nga 2024 sandig sa record sang Gun Violence Archive kun sa diin gina-define ang mass shooting kun sa diin apat ukon masobra pa ang numero sang natiruhan wala labot ang shooter.
