ILOILO CITY – Pilason ang driver sang single nga motorsiklo kag isa ka pasahero sang motor bike matapos nga nagsumalangay sa Javellana St., Jaro, Iloilo City.
Sa interview sang Bombo Radyo kay Richie Hilado, 23 anyos, driver sang motor bike, iya ginpahayag nga mahinay man ang iya pagmaneho apang nakibot na lamang siya sang gilayon nga nang-agaw sang linya ang motorsiklo nga ginamaneho ni Mathew Martin Locsin, 26 anyos.
Suno kay Hilado, pilas sa tiil ang naangkon sang iya nga pasahero.
Gilayon naman nga gindala sa ospital ang mga pilason agud madapatan sang nagakaigo nga pagbulong.
