Sta. Barbara, Iloilo – Nagsungka na ang duha sa tatlo ka preso nga nagpalagyo gikan sa custodial facility sang Sta. Barbara Municipal Police Station sa Sta. Barbara, Iloilo.
Ang mga nagsungka nga preso amo sanday Mark Armada Arca sang Brgy. Barasalon, Janiuay, Iloilo nga may kaso nga murder kag Reniel Lozada Sellarico sang Brgy. Talanghauan, Sta. Barbara, Iloilo nga may kaso nga rape samtang at-large sa gihapon si Bhrix Dela Cruz Sarin sang Candoni, Negros Occidental nga may kaso nga theft.
Sa interview sang Bombo Radyo kay Police Captain Rey Pabalan, hepe sang Sta. Barbara Municipal Police Station, iya ginpahayag nga matapos nga nagpalagyo, nagpanago ang tatlo sa balay ni Sellorico.
Suno kay Pabalan, gin-ako nanday Arca kag Sellorico nga wala sila sang tuyo nga magpalagyo kag ginganyat lamang sila ni Sarin.
Ini ang rason suno kay Pabalan kun nga-a nagdesisyon ang duha nga magsungka na lang sa otoridad.
Sa subong, padayon ang pagpangita sang otoridad sa at-large nga si Sarin.
