ILOILO CITY- Natumod na ang duha sa tatlo ka mga suspek nga naghold-up sa opisina sang J&T Express sa Mc Arthur Drive, Brgy Quintin Salas, Jaro, Iloilo City.
Sa interview sang Bombo Radyo kay PMajor Shella Mae Sangrines, spokesperson sang Iloilo City Police Office, iya ginpahayag nga paagi sa Rogue’s gallery, nakilal-an sang testigo ang duha ka mga suspek.
Suno kay Sangrines,sa subong padayon pa nga ginatinguhaan nga makilala ang isa pa ka suspek.
Ginpahayag ni Sangrines, nagapadayon ang hot pursuit operation sa mando man ni PCol Joeresty Coronica, Officer in Charge sang Iloilo City Police Office.
Dugang sang natungdan, prayoridad subong nga madakpan ang mga suspek, marekober ang kwarta nga ila ginkawat kag mapasakaan sang kaso.
Nahibaluan nga nagdangat sa masobra P623,000 ang nataban sang mga suspek.
