Padayon ang imbestigasyon sang Dumangas Municipal Police Station (MPS) sa pagtiro-patay sang riding in tandem sa isa ka lalaki sa Brgy. Sulangan, Dumangas, Iloilo.
Ang biktima amo si Angelo Gonzales, 23-anyos, single, residente sang nasambit nga barangay.
Sa interview sang Bombo Radyo kay Police Master Sergeant Efren Gonzaga, Imbestigador sang Dumangas Municipal Police Station, iya ginpahayag nga may ginasundan na sila nga mga persona apang indi pa tul-id kon sila gidman ang mga suspek.
Suno kay Gonzaga, may mga nagbuyagyag nga witness sang krimen apang bangud sa kahadlok, wala pa nila ginakumpirma ang mga persona nga posible suspek sa natabo nga insidente.
Ginpahayag man sini nga ginatinghuwaan nila nga ma-encourage ang witness nga magkooperar sa ila agud nga gilayon madakpan ang mga suspek.
Gintuad man ni Gonzaga mismo ang back rider ang nangamot agud mapatay ang biktima.
Ginbuyagyag man sang imbestigador nga may wala paghangpanay sa tunga sang gunman kag sang biktima.
Nakaagum sang pilas sa tiyan kag likod ang biktima nga gintunaan sang iya kamatayon.
Narecover sang kapulisan sa crime scene ang empty shell sang posible .45 caliber.
