LAMBUNAO, ILOILO – Patay ang isa ka dump truck driver matapos napilpilan sang dump box sa Barangay Poong, Lambunao, Iloilo.
Ang biktima amo si Ernanito Lucenio, 66, residente sang nasambit nga lugar.
Sa interview sang Bombo Radyo kay Police Staff Sergeant Ramon Legayada, imbestigador sang Lambunao Municipal Police Station, iya ginpahayag nga nagakay-o sang salakyan ang biktima gani ginpasaka niya anay ang dump box ukon kaha sang dump truck.
Tapi lang ang gintukod ni Lucenio apang posible suno kay Legayada nga indi sini masarangan ang bug-at sang dump box gani nga natumba.
Napuruhan gid ang tiyan sang biktima kag ginhingagaw pa dala sa ospital apang wala na nakaluwas pa.
