Iloilo – Dungganon ang isa ka Ilongga writer matapos ginkilala sang isa ka publishing company nga Ukiyoto bilang Fiction:Woman Writer of the Year.
Ang Ukiyoto isa ka worldwide traditional publisher nga nakatukod sang komunidad sang masobra 2000 ka international authors kag nakabalhag sang masobra 3500 ka mga libro kag may distribution network sa masobra 50 ka kapungsuran.
Sa interview sang Bombo Radyo kay Ancel Marie Bravo Mondia, sang Sta. Monica, Oton, Iloilo, iya ginpahayag nga ang iya libro nga “Tula ni Nene” amo ang nangin palaagyan agud nga makilala ang iya mga sinulatan.
Suno sa iya,tanan niya nga mga poems ang repleksyon sang iya emosyon, ang iya eksperyensiya sa diskriminasyon kag inhustisya kag ang mga luyag nga bag-uhon sa sosyodad.
Ginadedikar naman ni Mondia ang iya naangkon nga pagkilala para sa iya lolo nga nagtudlo sa iya nga mangin mapinasalamaton sa tanan nga butang kag amo man ang nagpasa sa iya sang abilidad sa pagsulat.
