Gintudlo ni anay Health Secretary Francisco Duque III si anay Presidente Rodrigo Duterte nga amo ang nagmandu sa pagsaylo sang P47.6 billion nga COVID-19 funds halin sa the Department of Health (DOH) pakadto sa Procurement Service sang Department of Budget and Management (PS-DBM) sang 2020.
Gin-ako ini ni Duque kadungan sang hearing sa Committee on Approriations sang Kamara, Hunyo 3, nga amo ang naga-check sang budget performances sang DOH kag Philippine Health Insurance Corporation.
Base sa report sang Commission on Audit (COA), ang P47.6-billion COVID-19 fund nagalakip sang kontrata sang PS-DBM sa Pharmally Pharmaceutical Corp. nga gin-akusaran nga nagbaligya sang overpriced medical supplies sa gobyerno kaangay sang face masks, face shields, kag iban pa nga equipment sa kasagdagan sang pandemya.
Sang ginapisa-pisa sang pamangkot ni ACT Teachers party-list Rep. France Castro, ginpahayag ni Duque nga naghatag sang otoridad si Duterte nga isaylo ang pondo sa iya nga public pronouncements. Na-mensyonar man sini nga ginpatigayon ang pag-transfer sang pondo bangud sa public health emergency nga gindeklarar sang Marso 2020.
“Oho (Yes), in his public pronouncements, the transfer was done because of the public health emergency, which he declared sometime in March [2020],” suno kay Duque.
Sa interpellation, ginpamangkot pa liwat ni Castro si Duque kun ang anay presidente gid man ang naghatag-mandu kaangot sa fund transfers. Ginsulit-sabat ni Duque nga ginhimo ini ni Duterte sa anay weekly meeting nga “Talk to the People.”
“Publicly this was made by the President in our meetings, in the weekly meeting or ‘Talk to the People.”
Sa amo man nga hearing, nagdepensa pa ang anay tiglikom sang DOH sa kontrobersyal nga pagsaylo sang pondo bangud suno sa iya, nagsunod ini sa existing nga layi kag regulasyon.
Gin-cite sini ang Executive Orders 385 kag 285, Letter of Instruction, Administrative Order 17 of 2011 kag Section 53 sang procurement law nga kabahin sang basis para sa pagsaylo sang pondo.
Gindugang man sini nga sang amo nga tion, nadesisyunan nga magsalig sa expertise sang PS-DBM kag network of suppliers sini agud makapangita sang suplay sa tunga sang pandemya.
“Our overriding consideration was to prevent, if not mitigate, the risk of our health care workers waiting for local suppliers whom we knew had no capacity, initially, to supply large volumes of PPEs (personal protective equipment) and other COVID-19 supplies needed,” pahayag pa sang anay tiglikom.
Nahibaluan nga si Duque kag ang iban pa nga anay mga opisyal sang PS-DBM ang nagapangatubang sang kaso nga graft bangud sa gina-alegar nga iregularidad sa amo nga fund transfer.#
