Wala na-satisfy si Iloilo City Councilor Romel Duron sa ginpresentar sang Metro Pacific Iloilo Water nga tikang sa pag-ayo sang problema sang tubig sa siyudad; ini matapos magpatawag ini sang public hearing bilang Chairman sang Committee on Energy and Public Utilities kaupod ang MIWD kag iban pa nga konsehal agud hibaluon ang progreso sang mga proyekto.
Sa interview sang Bombo Radyo, ginpahayag ni Duron nga bisan may ginahimo na ang MPIW, madamo gihapon sang nagareklamo sa kakulangan sang tubig.
Luyag man sini masiguro kon matuod nga naga-P2,000 ang sukot sang water delivery tanker nga ginabakal sang mga establisyemento kag konsumidor bangud wala sang iban nga choice.
Ginpangabay man sini nga tumanon sang MPIW ang promisa nga mangin fully operational ang bag-o nga mga tubo sa 2027 kag himuon ang excavation sa gab-i agud indi makadala sang traffic.
