ILOILO CITY- Nagsabtanay na naman sanday Councilors Sedfrey Cabaluna kag Romel Cabaluna sa deliberasyon sang franchise sang tricycle sa regular session sang Iloilo City Council.
Sa amo nga session, ginduso ni Duron nga ilakip sa ordinansa ang qualifications sang franchise applicants.
Suno pa kay Duron, antes ang approval sang franchise, kinahanglan nga magtambong man sa deliberasyon kag magsumpa ang mga franchise applicants.
Nagsabat naman si Cabaluna nga indi ini dapat pag-require ni Duron sa iya bangud wala man ini ginahimo ni Duron sang siya pa sadto ang chairman sang Committee on Transportation.
Dugang ni Cabaluna, kun himuon ini, mas magalawig ang deliberasyon.
Diri na kag nagsuligbat si Duron kag ginsiling nga nagainagi na naman si Cabaluna.
Matandaan nga sang Hulyo, nagsinggit man si Duron nga nagainagi si Cabaluna sa session.
Ini matapos ginkwestyon niya si Cabaluna kun ginahimo man bala sini ang iya responsibilidad.
Ang pagbaisay sang duha ka mga konsehal ang nag-ugat sa resolusyon ni Duron nga nagapanawagan sa pag-reevaluate sang Public Utility Vehicle Modernization Program.
