ILOILO CITY – Dakop ang isa ka durugista sa buy bust operation nga ginpatigayon sa Plaza Libertad sa Iloilo City.
Sa interview sang Bombo Radyo kay Police Lt. Col. Jonathan Pablito, hepe sang Police Station 1, iya ginpahayag nga ang durugista nga nadakpan amo si Hillard De Juan, 28, sang Rizal Estanzuela, Iloilo City.
Suno kay Pablito, nakuha kay De Juan ang 3 ka sachet sang suspected shabu kag buy bust money nga P600.
Ginpahayag ni Pablito nga madugay na nga ginabantayan ang illegal drug activity ni De Juan nga ginatudlo nga naangot sa napatay man nga durugista nga si Japhet Zerrudo.
Si Zerrudo suno sa natungdan ang naangot sa Odicta Drug Group kag napatay kadungan sang buy bust operation nga ginpatigayon sang Regional Drug Enforcement Unit sa Brgy. Tanza Esperanza, Iloilo City.
Nagapakatig-a ang durugista nga magpanugid kun sa diin naghalin ang supply sang illegal drugs nga iya ginabaligya.
