ILOILO CITY- Dakop ang isa ka durugista sa ginpatigayun nga buy bust operation sa Brgy. Bakhaw, Mandurriao, Iloilo City.
Ang nadakpan ang ginkilala nga si Sidnie Cornel Arroyo, 39, sang nasambit nga lugar.
Nakuha kay Arroyo ang anom ka sachet sang shabu lakip na ang buy bust item.
Magluwas diri, nakuha man kay Arroyo ang P1, 500 nga buy bust money, cellphone kag cellphone case kun sa diin niya ginsulod ang shabu.
Preso na sa subong sa Mandurriao Police Station si Arroyo kag magapangatubang sang nagakaigo nga kaso.
