ILOILO – Napasakaan na sang kaso ang durugista nga nagtuyo nga magpalusot sang droga nga ibaligya pa kuntani sa Dinagyang Festival.
Ang subject amo si Elmer Niquia, 48, temporaryo naga-istar sa Botda Village, Phase 2, Barangay Buray, Oton, Iloilo apang tumandok sang Barangay Alalasan, Lapuz, Iloilo City, kag nagkwaan sang balor P3.2 million nga ilegal nga droga.
Una na nga ginpahayag nga nakuha sa posisyon sang subject ang apat ka mga plastic bag nga may unod nga shabu, duha ka mga plastic sachet sang shabu kag iban pa nga mga drug paraphernalia.
Sa interview sang Bombo Radyo kay Iloilo Police Provincial Office (IPPO) Dir. Pol. Col. Gilbert Gorero, iya ginpahayag nga si Niquia ang nagpanago sa banwa sang Oton bangud nag-init na ang pangalan sini sa Lapuz, Iloilo City.
Suno kay Gorero ginpasakaan na sang kaso nga RA 9165 ukon Comprehensive Dangerous Drugs Act of 2002.
Padayon naman suno kay Gorero nga naga nagamonitor ang IPPO sa pagtapna sang lapnagon nga ilegal nga droga sa probinsya sang Iloilo.
Gintuad man niya nga madamo na ang nagkaladakpan nga durugista sa kada munisipalidad sa padayon nga drug buybust operation nga ginapatigayon sang kapulisan.
