ILOILO CITY–Ginkumpirma sang alkalde sang Buenavista, Guimaras nga ex-convict ang durugista nga naluthangan patay sa Sto. Rosario Buenavista Guimaras.
Sa interview sang Bombo Radyo kay Buenavista Mayor Eugene Reyes, iya ginpahayag nga santo sa iya nakuha nga impormasyon, magkaupod sadto sanday Jose Ferraro Solon alyas Tatay Joe, 50-anyos sang nasambit nga lugar kag ang druglord nga si Melvin Odicta sa New Bilibid Prison sa Munitinlupa City.
Suno kay Reyes, downline sang Odicta Drug Group si Solon.
Sang makaguwa sa bilibid, ginpadayon naman ni Solon ang pagbaligya sang illegal nga droga.
Nahibalu-an nga madugay na nga drug watchlist si Solon sang Police Regional Office (PRO) 6.