Ginakabig nga dako nga upang sa mga nagahandom nga mangin House Speaker ang pagtukod sang Duterte coalition.
Ang Duterte Coalition ang gintukod ni Davao City 1st District Representative Paolo Duterte kaupod ang 8 ka mga kongresista nga ginalakipan nanday Davao City 3rd District Representative Isidro Ungab, Davao City 2nd District Representive Vincent Garcia, Davao Oriental 1st District Representative Corazon Malanyaon, Compostela Valley 1st District Representative Manuel Zamora, Davao Occidental Representative Lorna Bautista, Dumper Representative Claudine Bautista, Marino Representative Sandro Gonzales, kag Marino Representative Anton Lopez.
Sa interview sang Bombo Radyo Iloilo kay Iloilo City Lone District Rep. Jamjam Baronda, iya ginpahayag nga nauna na nga nagdistanya ang Duterte coalition sa pagpili sang pagasuportahan nga house speaker kun sa diin tinutuyo lang nila nga hugpungon ang mga mamalidha.
Apang suno kay Baronda, posible man nga may igaenderso ang Duterte coalition nga magapadalagan sa house speakership sa Hulyo 22.
Matandaan nga una na nga nagpahayag sang interes si Cong. Pulong sa pagpadalagan bilang house speaker.
Nahibaluan nga kalakip sa mga nagahandom nga mangin pinuno sang Kamara amo sanday Taguig Pateros Rep. Allan Peter Cayetano, Marinduque Rep. Lord Alan Velasco, kag Leyte Rep. Martin Romualdez.
