Tapos na ang guessing game bangud nagpahayag na si Davao City Mayor Sara Duterte nga ginakonsidera na niya ang pagpadalagan sa pagka-Presidente sa 2022 elections.

Sara Duterte, Davao City Mayor and daughter of Philippine President Rodrigo Duterte, attends a senatorial campaign caravan for Hugpong Ng Pagbabago (HNP) in Davao City, southern Philippines on May 9, 2019. HNP is a regional political party chaired by Sara Duterte. Picture taken May 9, 2019. REUTERS/Lean Daval Jr – RC144C77AF00

Sang ginpamangkot ang alkalde kun bala bukas ini nga magpapili sa pinakamataas nga posisyon nga ginapamunuan subong sang iya amay nga si Presidente Rodrigo Duterte, “huo” ang nangin sabat ni Sara.

Ang importante subong suno kay Sara amo nga mahibaluan niya kun ano ang panimuot sang mga tawo kag kun ano bala ang luyag sang publiko.

Nahibaluan nga pila ka mga grupo ang nagaduso kay Sara, ang head sang regional group nga Hugpong ng Pagbabago, nga magpadalagan siya sa pagka-presidente sa diin ang iya amay amo ang iya mangin runningmate.

Una naman nga ginpabutyag ni Pres. Duterte nga bukas man siya nga magpadalagan sa pagka-bise presidente.