Gin-aprubahan na ni Presidente Rodrigo Duterte ang operasyon sang casino sa Boracay.
Suno kay Presidential Spokesperson Atty. Harry Roque, ang pronouncement sang presidente ang kabahin sang revenue-generating efforts sang gobyerno agud nga makahatag man sang dugang nga pondo para sa COVID-19 response.
Apang pahayag niya, kinahanglan nga magsunod sa gihapon sa health protocols ang mga casino-goers kag dumilian ang mga minors nga magsulod sa casinos sa Boracay.
Nahibaluan nga wala sang casinos nga naga-operate sa Boracay antes pa man ang order sang presidente.
