Gin-aresto na si former President Rodrigo Duterte subong nga adlaw, Marso 11.
Suno kay Atty. Martin Delgra, abogado ni Duterte, gindakop ang anay president matapos naghugpa na sa Ninoy Aquino International Airport ang eroplano nga ginasakyan sini halin sa Hong Kong.
Samtang suno naman sa longtime aide ni Duterte nga si Sen. Bong Go, wala nila makit-an ang arrest warrant para sa anay presidente.
Ginkumpirma naman ni former Department of Labor and Employment (DOLE) Secretary Silvestre Bello III nga ginhambalan sila ni Philippine National Police (PNP) Chief Gen. Rommel Francisco Marbil nga dal-on si Duterte sa Camp Crame.
Ginapahayag nga si Duterte ang subject sang warrant of arrest sang International Criminal Court (ICC).
