Ginkasuhan na sang International Criminal Court (ICC) prosecutors si former president Rodrigo Duterte sang three counts of murder.
Kaangot ini sa ginaalegar nga crimes against humanity nga nahimo sini sang siya pa ang Davao City mayor kag sang siya na ang nangin president sang Pilipinas.
Ginsapubliko man sang korte ang “Document Containing the Charges” nga napetsahan July 4, 2025 apang may mga parte nga redacted.
Gin-release ini Septyembre 22 oras sa The Hague nga amo kuntani ang adlaw antes ang confirmation of charges kay Duterte, apang na-postpone bangud ginapanindugan sang kampo sang anay presidente nga indi na maayo ang ikaayong lawas sini kag malipaton na.
Sa Count 1, nalakip ang murder as a crime against humanity sa Davao City sa 19 victims sang siyam ka mga incidents lakip ang sa 2013 kag sang 2016, sang mayor pa si Duterte.
Ang Count 2, nagalakip sang murder as a crime against humanity sang ‘high-value targets’ sa nagkalain-lain nga lokasyon sa Pilipinas kun sa diin may 14 victims sang five incidents sang si Duterte ang President sa tunga-tunga sang 2016 and 2017.
Ang Count 3 naga-involve naman sang murder kag attempted murder bilang crimes against humanity sa barangay clearance operations sa lain-lain nga lokasyon sa Pilipinas kun sa diin may 45 victims sang si Duterte ang president sa tunga-tunga sang 2016 tubtub sang 2018.
Ang 15-ka-pahina nga dokumento nga ginpasaka sa Pre-Trial Chamber ang pirmado ni ICC Deputy Prosecutor Mame Mandiaye Niang.#
