Nagapanguna ang aktres nga si Angel Locsin sa mga babayi nga ginadayaw sang mga netizens sa Pilipinas.
Ini ang base sa poll nga ginconduct sang market research and data analytics company nga YouGov nga naka-base sa United Kingdom.
Suno sa YouGov website, ginconduct ang poll umpisa sang Mayo tubtob Setyembre subong nga tuig kag gin-release ang resulta sang Setyembre 23.
Nakarecord si Angel sang 15.03% nga admiration score, kag ini ang ginsundan nanday Miss Universe winner Catriona Gray nga may 11.09%.
Nakaupod ni Angel sa top ten ang duha pa ka aktres nga sanday Sarah Geronimo kag Liza Soberano samtang yara man ang international names sang mga personalidad nga ginalakipan nanday Taylor Swift, Angelina Jolie, kag Emma Watson.
Sa bahin sang Top 10 sa mga lalaki, nagapanguna si Presidente Rodrigo Duterte sa listahan nga may 19.67% — mas mataas pa kanday Pope Francis, Manny Pacquiao, Isko Moreno, kag Jackie Chan.
Sa amo nga survey sang YouGov, sanday Barack kag Michelle Obama ang ginkilala nga world’s most admired man and woman.#
