Gin-athag ni anay Presidente Rodrigo Duterte nga wala sang interesado nga sipaon sa pwesto si President Ferdinand Marcos Jr. bangud nga “usik lang ini sa tiyempo.”
Sa iya latest statement nga naka-address sa presidente, ginsiling ni Duterte nga dapat mag-trabaho na lang si Marcos bilang chief executive, mag-relax, kag indi magkabalaka nga pahalinon ini sa posisyon.
“We’re paying you. Magtrabaho ka. Do not worry. Nobody is interested, or are, na tanggalin ka. It’s a waste of time,” pahayag sini sa isa ka press conference sa Tacloban, Hunyo 30.
Ginpaguwa ni Duterte ini nga pahayag matapos nga nag-resign ang iya anak nga si Vice President Sara sa gabinete ni Marcos sang Hunyo 19 — tikang nga gintawag sang iban nga “open war” sa tunga sang Marcos kag Duterte nga pareho nga gamhanan nga mga pangalan sa pulitika sa pungsod.
Sang naglinigad nga binulan, nagguwa man ang mga espekulasyon nga may retired kag active police officials nga nagatuyo nga gub-on ang Marcos administration kag pahalinon ang presidente. Ini ang ginpanginwala man sang Philippine National Police.
Sang nagligad nga adlaw, sa separado nga statement, gin-athag naman ni VP Sara nga indi siya ang lider sang opposition —baliskad sa mga nagguwa nga espekulasyon kasunod sang iya pagpanaog bilang secretary sang Department of Education kag vice chairperson sang NTF-ELCAC.
