Nagguwa sa pagpangusisa sang independent panel sang medical experts nga makasarang pa si anay Presidente Rodrigo Duterte nga mag-atubang kag magpartisipar sa pre-trial proceedings sang International Criminal Court (ICC).
Sandig sa findings sang panel, “competent” ang anay presidente para magpakigbahin sa proceedings.
Sa siyam ka pahina nga obserbasyon ni ICC deputy prosecutor Mame Mandiaye Niang, ginpanawagan sini sa ICC Pre-Trial Chamber I nga maghimo na sang konklusyon nga may ikasarang ukon kapasidad pa si Duterte sa mga proceedings sang ICC lakip na sa confirmation hearing.
“Upon completion of their assessments, Panel members individually reached the same overall conclusion that, while frail and elderly, Mr. Duterte nevertheless possesses the necessary capacities to meaningfully exercise his procedural and fair trial rights,” kabahin sang obserbasyon ni Niang.
Suno kay Niang, sandig sa medical experts, nakahangop si Duterte kaangot sa kaso kag mga ebidensya; nahangpan sini ang pagpatigayon, ang katuyuan, kag ang kunsekwensya dala sang pre-trial proceedings; kag makahatag pa ini sang instruction sa iya nga abogado para sa preparasyon sa pagdepensa sa iya.
Ginsiling man sang prosecutor nga nagapakuno-kuno lang si Duterte sang gin-assess ini sang mga eksperto.
“Mr Duterte was underperforming while being assessed. For instance, Dr [REDACTED] used the ‘coin in hand test’ which, as described in his report, is announced as a test for ‘short-term memory’, but is actually a ‘floor’ test that is ‘very simple even for an individual with moderate to severe memory impairment,’” sandig sa dokumento.
“As a result of this and other tests used to assess underperformance, all three experts concluded that Mr Duterte’s subjective complaints regarding his health and mental functions are unreliable,” pahayag pa sang prosecutor.
Bangud sini nga findings, ginduso sang deputy prosecutor nga mag-resume na ang proceedings batok sa former president.
Ginbali naman sang abogado ni Duterte nga si Nicholas Kaufman ang joint report sang panel.
“Such internal inconsistencies undermine the overall weight of the general joint conclusion on fitness. Before rendering a decision on the matter, the Pre-Trial Chamber must seek further clarification,” kabahin sang 12 ka pahina nga obserbasyon nga iya ginpasa.
Nag-request man si Kaufman sang “evidentiary hearing”. Ini agud nga may kahigayunan ang magtimbang nga partido nga maathagan sa konklusyon sang mga eksperto, ang ila rason sa amo nga mga konklusyon, kag ang paagi ukon ang methodology nga gingamit sang sila ang nag-interview.
“He (Duterte) cannot retain information for more than a short space of time. The Defence finds it impossible to work with Mr Duterte because his instructions change from day to day, depending on his deficient recollection of information provided to him only the day before,” rason ni Kaufman.
Matandaan nga una na nag-petisyon ang kampo ni Duterte nga i-adjourn na ang proceedings bangud malipaton na si Duterte gani nga “unfit” na ini nga mag-atubang sa trial.
Kun balikan, nagtukod ang ICC sang panel nga ginabug-usan sang tatlo ka mga eksperto nga may espesyalisasyon sa forensic psychiatry, neuropsychology, kag geriatric kag behavioral neurology. Sila ang ginsugo nga mag-determinar kun naga-suprer bala si Duterte sa anuman nga medical condition nga maka-apekto sa iya nga abilidad nga magsunod ukon magpakigbahin sa nagapadayon nga pre-trial proceedings lakip na sa hearing sa confirmation of charges.
Ginsugo man ang amo nga panel nga i-assess kun kinahanglan bala ang espesyal nga mga tikang ukon adjustments para ma-address ang medical conditions sang anay presidente.
Marso 11, 2025 sang gindakop si Duterte sa NAIA kag ginlupad padulong sa The Hague, Netherlands kun sa diin naka-detain siya tubtub subong.#
