Mas pilion pa ni Presidente Rodrigo Duterte nga mapatay sangsa atubangon ang imbestigasyon sang International Criminal Court (ICC) sa drug war deaths sa Pilipinas.
Ini ang pahayag ni Presidential spokesperson Harry Roque matapos nga naghatag na sang go-signal ang ICC nga imbestigaran ang ginapahayag nakomiter nga mga krimen sa pagpatigayon sang ‘war on drugs’ campaign sa pungsod halin sang November 1, 2011 tubtob sang March 16, 2019.
“Wala pong reaksyon si Presidente kasi mula’t mula pa, sinabi na niya na mamamatay muna siya bago siya haharap sa dayuhan na huwes,” pahayag ni Roque. “Kung may isasampang kaso, gumagana po ang hukuman sa Pilipinas kaya walang hurisdiksyon ang ICC.”
Suno pa kay Roque, wala sang matabo sa himuon sang ICC prosecutors bangud indi man magkooperar ang Pilipinas bangud nag-withdraw na ang pungsod sa Rome Statute nga nag-establisar sang ICC sang March 2019.
“Kung ‘di na tayo miyembro at di na tayo required mag-cooperate, paano sila kukuha ng ebidensiya? Matutulog lang po ang kaso,” suno kay Roque.
