Nabalitaan na ni former President Rodrigo Duterte nga ginkumpirma sang International Criminal Court (ICC) Pre-Trial Chamber I ang tatlo tanan nga counts sang crimes against humanity batok sa iya kag ipasaka na sa full-blown trial ang iya kaso.
Suno sa iya anak nga si Veronica “Kitty” Duterte nga nagbisita sa detention facility sa The Hague, nabaton na sang iya amay ang amo nga desisyon bangud wala naman ini sang mahimo.
Pahayag pa ni Kitty, ginapasa-Diyos na lang sang iya amay kun ano man ang matabo sa iya.
“He knows about the decision already. He knows, and so far, he is accepting of it. Like he always says, ‘Wala tayong magawa eh. We leave it up to God’. He also said na, ‘kung ano man ang mangyari, what man proposes, God disposes’,” suno kay Kitty. Dugang pa sini, “Sabi niya na na, ‘He’s my Creator, kung ano man ang gusto Niyang gawin sa akin, so be it, Siya na yung bahala’.”
Suno pa sa anak nga Duterte, nagbilin ang iya amay nga protektahan ang ila nga pangalan, kag padayon nga magtrabaho para sa katawhan.
Sa personal sini nga opinyon, ginsiling ni Kitty nga apisar dismayado sila sa natabo, wala na sila nakibot sa amo nga desisyon pati na sa pagbasura sang Appeals Chamber sa ila apelar kaangot sa hurisdiksyon sa kaso.
Kahapon sang gin-anunsyo sang Pre-Trial Chamber I nga unanimous ang desisyon sang judges nga i-confirm ang tanan nga kaso nga crimes against humanity batok kay Duterte kasunod sang hearing sang nagligad nga Pebrero kun sa diin nag-presentar ang prosekusyon, ang defense, kag ang mga abogado sang drug war victims.
Sa Article 63 sang Rome Statute, required ang akusado nga tawo nga magtambong kadungan sang trial.
Matandaan nga wala nagtambong si Duterte sa confirmation of charges hearing sang Pebrero. Sang Abril 22, wala man ini nagsipot sang ginbasa ang desisyon sang Appeals Chamber sa iya apelar kaangot sa hurisdiksyon sang ICC sa iya kaso.#
.){kind=link}