Indi na makadumdom si former President Rodrigo Duterte sa mga hitabo, mga lugar, timing, kag mangin mga miyembro sang iya pamilya.
Lakip ini sa ginpahayag sang iya abogado nga si Nicholas Kaufman sa International Criminal Court (ICC) kadungan sang iya request sa “indefinite adjournment” sa legal proceedings batok sa 80-anyos nga former chief executive.
Suno sa defense lawyer, kulang na sa kapasidad si Duterte nga ma-apply ang iya nga cognitive skills nga amo ang kinahanglanon kun magdepensa na ini sang iya kaugalingon sa korte.
“In fact, he is not even able to process the reasons for his detention,” suno kay Kaufman.
Bangud sini suno sa iya, indi lubos nga mahangpan ni Duterte ang sahi kag ang implikasyon sang proceedings nga gina-conduct batok sa iya.
“With his impaired memory and concomitant inability to retain new information or to recall events, places, timing or even members of his close family and defence team, Mr Duterte is unable to fully understand the nature and implications of the proceedings conducted against him,” pahayag sang abogado.
“His deficient memory also entails an inability to follow the litigation and to make informed decisions. Consequently, and crucially, Mr Duterte is unable to contribute to his own defence, rendering his participation in the proceedings totally ineffective,” dugang niya.
Ginpahayag man ni Kaufman nga mahimo nga mangin “static” ukon mag-“deteriorate” pa ang ikaayong-lawas sang anay presidente bisan pa nga may yara sang medical ukon psychiatric intervention nga ginahimo.
“[REDACTED] Mr Duterte’s pathology clearly suggests that “a trial and continued detention […] would also not serve the interests of justice”. In these circumstances, the pursuit of legal proceedings against a [REDACTED] incapacitated individual must be terminated,” kabahin pa sang pahayag sini.
Septyembre 23 kuntani naka-schedule ang confirmation of charges hearing kay Duterte, apang gin-postpone ini sang ICC bangud sa rason sang defense team nga indi ini “fit” nga makaupod sa trial. Wala pa sang ginsapubliko nga petsa kun san-o isaylo ang proceedings.
Marso 11 siya sang gindakop diri sa Pilipinas sa gahum sang arrest warrant sang ICC bangud sang ginaalegar nga crimes against humanity nga iya nakomiter kadungan sang implementasyon ang maduguon kag kontrobersyal nga drug war. Sang amo man nga adlaw, gindala siya sa The Hague, Netherlands.
May pending request ang defense team para sa iya nga interim release.#
