Istorya lang ang kinahanglan ni Presidente Rodrigo Duterte kag indi niya pag-ipauntat ang Facebook operations sa Pilipinas.
Ini ang pagpati ni Presidential spokesman Harry Roque sang ginpamangkot kun dapat bala dapat kahangaw-an sang mga Pinoy ang posible pag-ban sang Facebook sa pungsod.
Suno kay Roque, wala lang ginatolerar sang presidente ang gina-alegar pag-censor sang Facebook sang mga advocacy pages nga nagasuporta sa administrasyon.
Apang kun basehan ang pahayag sang presidente suno kay Roque, dapat lang ini nga istoryahan bangud freedom of expression ang ginaduso kag amo man ang free marketplace of ideas.
Aminado ang natungdan nga mangin negatibo ang impact kun ipauntat ang Facebook operations sa pungsod bangud ginabanta 74 million ka mga Pinoy ang nagagamit sini nga social media platform. #
