Nagpanawagan si Presidente Rodrigo Duterte sa mga local government units (LGUs) nga indi pagpahulaton sa linya, sa ulan ukon sa nagabaha nga lugar ang mga mga tawo agud lang nga makapabakuna batuk sa COVID–19.
Suno kay Duterte, dapat nga maghimo sang maayo nga vaccination process ang LGU bangud exposed kag unprotected ang mga tawo kun nagahulat sang madugay.
Ginmanduan sang Presidente si Department of the Interior and Local Government (DILG) Secretary Eduardo Ano nga mag issue sang direktiba nga nagamandu sa LGU nga mangin proactive.
Dugang pa ni Duterte, nagakadapat nga mangita ang mga alkalde kag punong barangay sang dako kag wala ginabaha nga venues sa pagconduct sang vaccination kag pag-organisa sang maayo nga schedule para sa inoculation.
