Nagpanawagan si former President Rodrigo Duterte sa iya mga taga-suporta nga indi na maghilabot sa iya kaso nga crimes against humanity sa International Criminal Court (ICC).
Ini nga mensahe ang ginpalab-ot ni Vice President Sara Duterte nga yara man mismo didto sa The Hague, Netherlands kag nagabisita man sa iya amay sa detention facility.
Suno kay Sara, kun gusto sang supporters nga ipabutyag ang kaakig ukon anuman nga balatyagon, indi na lang pag-istoryahan ang kaso nga yara na sa ICC.
“Sinabi niya na huwag tayo makialam sa kanyang kaso sa International Criminal Court (He asked us not to interfere in his case before the ICC),” suno sa bise-presidente. “Kung gusto ninyo ipahayag ang inyong pagsuporta… ang inyong galit na nararamdaman o kung kasiyahan… sabi niya, huwag natin pag-usapan ang kaso.”
“Lalong-lalo na pagdating sa mga complainants o reklamo na nandyan sa loob sa International Criminal Court.”
Nahibaluan nga naka-schedule ang confirmation of charges hearing kay Duterte sa ICC sa Setyembre 23, 2025.
Antes ang panawagan nga ini, madamo nga pro-Duterte pati mga senador ang nangin vocal sa paghatag sang kritisismo sa ila ginpahayag nga “illegal” nga pagdakop kag pag-detain sa former president.
Madamo man nga fake news kag deepfakes ang nagguwa para nga maguba ang kredibilidad sang ICC prosecutors and judges, lakip na ang ginpalapta nga picture sang ICC judges nga gin-alegar kaupod si First Lady Liza Marcos sa party apang sa pagkamatuod indi man taga-ICC kundi pareho man lang sini nga mga Pinoy.
