Nagdepensa si Presidente Rodrigo Duterte kaangot sa naangkon nga mga pagpakamalaot bangud sa ginapahayag indi paghimo sang tikang sa nagakatabo nga COVID-19 crisis sa pungsod.
Suno kay Duterte, nagdangat na sa bilyon ka piso ang napanagtag sang gobyerno sa publiko.
Sa ginpatigayon nga pagsinapol kaupod ang presidente, ginpahayag ni Department of Interior and Local Government (DILG) Secretary Eduardo Año nga nagdangat na sa P21.18 billion ang napanagtag nga ayuda gikan sa P22.9 billion nga ginpain nga pondo para sa cash aid sang mga low-income earners sa Metro Manila kag apat ka mga probinsya nga ginpaidalom sa mas hugot nga lockdown.
“Marami nagsasabi, ‘Kami lang ang namimigay, kayo wala.’ Really? Nakita n’yo ‘yong statistics, binigay ni Secretary Año? We are distributing billions,” pahayag ni Duterte.
“Namimigay kami ng ayuda sa mahihirap… Nauna pa kami noon, and we are giving money. ‘Yon lang ang pinaka most expeditious way of doing it,” dugang pa ni Duterte.
Ginpahayag ni Duterte nga nagasakripisyo ang mga opisyal sang gobyerno agud magtambong sa pagsinapol kaangot sa COVID-19 crisis kaupod niya agud mahibaluan sang publiko kun ano na ang nagakatabo sa pungsod subong nga pandemya.
“Kami lahat dito, hindi kami pumoporma,” pahayag sang presidente.
Una na nga ginhatagan sang tubtub lang sa Mayo 15 ang mga local government unit agud maubos panagtag ang mga cash aid.
Nahibaluan nga nagapangaduha na ang Pilipinas sa bug-os nga Southeast Asia kun COVID-19 cases ang pagahambalan.
