Nanindugan si anay Presidente Rodrigo Duterte nga wala siya sang ginhinulsulan sa tanan nga ginhimo niya bilang presidente sang Pilipinas.
Suno kay Veronica ”Kitty” Duterte, ini ang isa sa ila naistoryahan sang iya amay sang ulhi nga pagbisita niya sa International Criminal Court (ICC) Detention Center.
Suno sa presidente, bisan ginpasakaan siya sang kaso sa ICC, indi gid siya magpangayo sang pasaylo sa ginhimo niya.
Samtang, yara na sa maayo nga kondisyon ang anay presidente.
Suno kay Kitty, malipayon ang iya amay basta makita niya nga maayo ang kahimtangan sang iya bilog nga pamilya.
