Nagtanyag ang House quad committee nga sabton ang plete ni former President Rodrigo Roa Duterte kag ang galastuhon sa akomodasyon basta magtambong lang ini sa hearing nga naangot sa drug war.
Ini nga quad comm leaders ginabug-usan sang chairpersons nga sanday Representatives Robert Ace Barbers, Dan Fernandez, Bienvenido “Benny” Abante Jr., kag Joseph Stephen “Caraps” Paduano; vice chair Romeo Acop; Senior Deputy Speaker Aurelio “Dong” Gonzales Jr.; kag Deputy Speaker David “Jay-jay” Suarez.
Lakip man sa ila gintanyag amo ang pagsabat sa galastuhon sang entourage sang former president.
Sa statement nga ginpaguwa kahapon, ginsiling sang mga mamalidha nga ginpaguwa nila ang offer para nga indi na pag-irason ni Duterte ang problema-pinansyal sa pag-absent sini sa hearing.
“If finances are truly an issue, we’re ready to cover his travel and accommodations ourselves. This is about the people’s right to know the truth about alleged abuses in his administration’s anti-drug operations,” suno kay Barbers.
Ini nga pahayag sang quad comm ang kasunod man sang pagsabat ni Duterte nga hatagan siya sang kuwarta bangud wala na siya sang galastuhon bangud retirement pay na lang niya ang iya ginagamit sa Davao.
Sabat naman ni Fernandez, handa sila nga magbulig bisan personal pa para nga mapasabat lang si Duterte sa isyu sa drug war.
“The committee is willing to help in any way possible. We’re all ready to contribute personally if that’s what it takes. This is about accountability, not excuses,” suno sa kongresista.
Sa bahin ni Abante, ginpahayag sini nga naga-offer sila para makakas na ang tanan nga rason nga ihatag ni Duterte.
Willing sila nga mag-amutay suno sa iya para indi na makalikaw si Duterte bangud nga deserving ang pamilya sang mga biktima sang drug war nga makahibalo sang kamatuoran.
“We’re even willing to ‘chip in’ if it means he can no longer avoid the inquiry. The victims’ families deserve the truth,” dugang sang mamalidha.
Sa iya sulat sa quad comm, una na nga ginkumpirma sang abogado ni Duterte nga nabaton nila ang imbitasyon sang mega panel sang Nobyembre 2 apang indi magkadto ang anay presidente bangud duda siya sa integridad sang joint committee.
Sa press conference naman sang nagligad nga Byernes, ginbuyayaw ni Duterte ang quad comm, gintawag nga buang, kag nagrason nga wala siya nakabaton sang notice kaangot sa hearing.#
