ILOILO CITY – Dako ang posibilidad nga magpadalagan si Presidente Rodrigo Roa Duterte bilang bise presidente sa 2022 elections.
Ini matapos ang pahayag ni Chief Presidential Legal Counsel Salvador Panelo nga dako ang posibilidad nga matigayon ang “Duterte-Duterte” tandem sa 2020 sa diin posible nga magpadalagan si Davao City Mayor Sara Duterte-Carpio bilang presidente kag ang iya amay ang running mate sini.
Suno kay Presidential spokesperson Atty. Harry Roque, nagadali na ang presidente nga matapos ang iya termino bangud luyag na niya nga magpauli sa Davao.
Gin-athag ni Roque nga ang Duterte-Duterte tandem ang personal nga opinyon ni Panelo.
“Ang pagkakaalam ko po eh, atat na atat na si Presidenteng matapos ang kaniyang termino at gusto na niyang umuwi dito sa Davao,” pahayag ni Roque.
“Iyong Duterte-Duterte tandem po na sinasabi ni Secretary Panelo, iyan po ay kaniyang personal na opinyon,” dugang pa sang natungdan.
Nahibaluan nga ang 75 anyos nga si Duterte ang indi na eligible para sa re-election.
Matandaan nga ginapabugal sang presidente ang iya anak bangud sa iya political influence sa diin halimbawa na diri ang pagsipa sa pwesto kay Davao del Norte 1st Dist. Rep. Pantaleon Alvarez bilang House Speaker antes ang ikatatlo nga State of the Nation Address sang 2018.
