MANILA – Ginpaandaman ni Presidente Rodrigo Duterte sanday House Speaker Alan Peter Cayetano kag Marinduque Representative Lord Allan Velasco nga hitsuhon ang isyu tuhoy sa gina-agawan nga leadership row sa Kamara.
Sa iya mensahe kagab-i, ginpahayag ni Presidente Duterte nga dapat mahitso na sang duha ka mamalidha ang isyu tuhoy sa House Speakership post kag siguraduhon nga indi maatrasar ang pagpasar sang P4.5-trillion national budget.
Ginpahayag ni Duterte nga sa tion nga wala sang development tuhoy sa nasambit nga isyu, siya na mismo ang magapangita sang paagi agud nga masolbar ang problema.
Kadungan sini, ginhingyo sang Presidente nga kun tani, indi siya pag-umiron sa tug-of-war sa tunga nanday Cayetano kag Velasco.
Sa pagpaathag sang Presidente, ang Duterte Administration sa gihapon ang pakamalauton sang publiko sa baylo nga ang mga personalidad nga yara sa kontrobersiya.
Bangud sa pandemya, ginpahayag sang natungdan nga kun tani, mangin prayoridad sang gobyerno ang mga nagamasakit kag ang lubos nga naapektuhan.
