Nagpasaka sang reklamo nga sexual abuse kag harassment ang duwa ka mga kadete sang Philippine National Police Academy (PNPA) batok sa isa ka tactical officer.
Ang ginreklamo amo ang 35-anyos nga police major nga una na nga napreso matapos magpasaka sang reklamo ang isa ka 23-anyos nga lalaki nga kadete bangud sa ginapahayag nga acts of lasciviousness.
Natabo ang ginapahayag nga pagpanghimulos sang Hulyo.
Suno sa imbestigasyon,gindala sang suspek sa iya kwarto ang duwa ka kadete.
Isa sa kadete ang nagapangatubang sang dismissal bangud sa paglapas sa honor code samtang ang isa ang yara sa “turn back” status bangud sa indi maayo nga academic performance.
Base sa ila ginpasaka nga reklamo sa NAPOLCOM, ginsiling sang mga biktima nga ginpauba sila sang opisyal kag gin-harass.
Nakapasaka sang kaso administratibo ang Napolcom batok sa suspek.
Nakapiyansa naman ang suspek kag temporary nga nahilway apang ginahanda ang kaso nga rape batok sa iya.
Mahimo siya mangatubang sang silot nga reclusion perpetua ukon tubtob 40 anyos nga pagkapreso.
