Ginlutos nanday eight-time National Basketball Association (NBA) All-Star Dwight Howard kag Strong Group Athletics ang PBA squad nga Converge, 97-64, sa nagaisahanon nga tune-up match antes ang pagbiya sang team pakadto sa United Arab Emirates agud magsaka sa 33rd Dubai International Basketball Championships.
Suno kay Filipino coach Charles Tiu, ang amo nga tune-up match ang naghanas sa ila nga “super team” kag star-studded imports nga makabuligay kaupod sa nagapanguna nga collegiate stars para sa isa ka semana nga tournament sa Dubai.
Makagrupo sang Pilipinas sa Group B ang Lebanese squads nga Beirut Club kag Homenetmen; club sang Libya nga Al Ahli Tripoli; club sang Syria nga Al Wehda; kag host country nga United Arab Emirates.
Una nga magasabak ang Strong Group batok sa host country buwas sa gab-i oras sa Dubai kag 3:15 naman sa Sabado sang kaagahon oras sa Pilipinas.
Magluwas kay Howard, yara man ang imports nga sanday Andre Roberson kag McKenzie Moore kag ang former Gilas Pilipinas naturalized player nga si Andray Blatche.#
