Nagbalik na sa pungsod sanday Dwight Ramos kag AJ Edu agud updan ang Gilas Pilipinas sa preparasyon sini para sa 2025 FIBA Asia Cup Qualifiers February window.
Halin sa ila masako nga schedule sa Japan B.League, nag-upod sanday Ramos kag Edu sa Nationals para sa madasig nga training sa Inspire Sports Academy sa Laguna antes sila maglupad sa Qatar para sa serye sang tuneup games.
Magluwas kanday Ramos kag Edu, nag-upod man sa training sanday Scottie Thompson, Calvin Oftana, kag Jamie Malonzo.
Ang iban naman nga Gilas’ players ang magabyahe diretso sa Qatar agud mag-upod sa ila didto sa Pebrero 13.
Magatinir didto ang Nationals humalin sa 13 tubtob sa 16th agud atubangon nila ang Doha, Lebanon, kag Egypt, kag magalupad balik sa Pilipinas sa 17.
Sa gab-i man sang Pebrero 17, magalupad ang Gilas padulong sa Taipei para sa ila matchup batok sa Taiwan sa Pebrero 20, para sa ulihi nga window sang Qualifiers.
Ang Gilas, nga assured na sang ticket sa Saudi Asia Cup sa Agusto, ang magatapos sang ila assignments sa Pebrero 23 sa ginahulat- hulat nga rematch batok sa New Zealand.
