Ginpat-ud sang Department of Public Works and Highways Region 6 nga indi na liwat pagsiraduhan pa ang Ungka Flyover.
Kasunod ini sang liwat na nga pagbukas sang flyover para sa mga motorista sa subong nga adlaw kun sa diin isa ka program ang ginpatigayon.
Sa interview sang Bombo Radyo kay Engr. Jose Al Fruto, Assistant Regional Director sang ahensya, iya ginpahayag nga apisar may yara pa sang construction activities, padayon ang operasyon sang flyover sa full capacity.
Nahibaluan nga apisar bukas na, may mga salakyan nga indi mahimo maglabay sa flyover nga ginalakipan sang dumptrucks, transit mixers, wingvans, trailer trucks, motorsiklo, tricycles, kag bisekleta.
