ILOILO CITY – Ginmanduan ni Trade Secretary Alfredo Pascual ang duha sa pinakadako nga e-commerce platforms nga naga-operate sa pungsod nga magpagwa sang official explanation may kaangtanan sa gin-report nga “deceptive, unfair, fraudulent kag unconscionable online sales practices”.
Suno sa Department of Trade and Industry, nakabaton sila sang mga report nga may mga scammers nga nagabaligya sang depektibo, peke kag pirated ga mga produkto online.
Ginhatagan ang mga ini sang 72 oras agud nga magpa-athag.
Ang pagbaligya sang peke nga produkto ang nagalapas sa e-commerce laws suno sa ahensya.
Ang mga kunsumidor ang mahimo nga mag-report sang violators sa Consumer Care Hotline sa consumercare@dti.gov.ph.
