ILOILO CITY – Naggwa sa survey sang Department of Trade and Industry (DTI) nga 75 percent sang human resources (HR) practitioners ang nagapati nga ang electronic commerce (e-commerce) sector sang pungsod ang nagasanyog.
Suno sa DTI, santo sa E-Commerce Job Outlook Survey, ang e-commerce job outlook index (EJI) ang naka-record sang 86.7 percent nga pagsaka nga nagapakita sang maayo sini nga business outlook.
Ang E-commerce job outlook ang naga-forecast sang kadasigon sang pagsanyog ukon pagnubo sang employment sa isa ka trabaho.Suno kay Trade Secretary Ramon Lopez, ang ini nga survey ang lain sa analysis nga ginpatigayon sang Google, Temasek kag Bain and Company sang 2021 nga nagpangalan sa Pilipinas nga Southeast Asia’s fastest expanding internet economy.
Dugang pa sang natungdan, gintumod sang survey ang nagkalain-lain nga kinahanglanon sang e-commerce enterprise sa micro, small kag medium enterprises kaangay sang dugang nga digital talent sa content creation kag technical skills samtang ang mga dalagko nga kompaniya ang nagakinahanglan sang digital talent sa business intelligence kag strategy.
