ILOILO – Istrikto nga ginapatuman sang Bureau of Jail Management and Penology ang E-Dalaw kasunod sang pagdumili sang pagpasulod sang bisita sa mga preso bangud sa kahangawa sa Coronavirus Disease 2019 (COVID-19).
Sa interview sang Bombo Radyo kay Jail Supt. Gilbert Peremne, Deputy Regional Director for Administration sang Bureau of Jail Management and Penology 6, iya ginpahayag nga tanan nga jail facility sa WesternVisayas ang nagasunod sa nasambit nga mandu.
Suno kay Peremne, mahimo sa gihapon nga maka-contact ang preso sa ila pamilya paagi sa video call apang limitado lamang ini sa 5 ka minutos.
Ginpahayag ni Peremne nga ginapahanugutan lamang ang isa ka preso nga maka-avail sang E-Dalaw kun kinahanglanon.
May yara naman sang nagabantay nga jail officer agud nga masiguro nga ginasunod ang pagsulundan may kaangtanan sa E-Dalaw.
