Ginlutos ni Alex Eala kag sang iya American partner nga si Iva Jovic sanday 7-time Grand Slam champion Venus Williams kag former world no. 3 Elina Svitolina.
Natabo ini sa round 16 sang ASB Classic women’s doubles sa New Zealand nga nagtapos sa skor nga 7-6 (7), 6-1.
Nakalampuwas ang Filipina-American pair sa mabudlay nga opening set antes nila nadominar ang masunod nga set nga amo ang nagpadaog sa ila batok sa 45-anyos nga si Williams kag 31-anyos nga si Svitolina.
Kabug-usan nga 16 Grand Slam doubles titles ang gina-uyatan sang amo nga decorated duo. Sa numero nga ini, si Williams nga anay WTA World No. 1, ang may yara na sang 14 doubles crowns sa iya nga pangalan.
Magluwas sa ila hampang sa doubles, balantayan man si Eala sa singles event alas dos karon sa hapon batok kay Donna Vekic sang Croatia.
