Balantayan bwas nga adlaw ang hampang sang Filipinas Tennis Star nga si Alex Eala para sa Round of 32 sang US Open.
Paga-atubangun sini ang World No. 14 nga si Iva Jovic sang Estados Unidos sang Amerika.
Ini bangud nag-abanse na si Eala sang nagligad nga Setyembre 3 matapos sini nga ginlutos si Oleksandra Oliynykova sang Ukraine sa score nga 6-1, 6-4.
Nahibaluan nga ini na ang mangin ikatlo nga match ni Jovic kag Eala kasunod sang first round sang French Open sang Mayo kag sa Second round sang Queen’s club kun diin duha ka nagdaug ang tiglawas sang Amerika.
Antes pa man ang ila match, madamo na ang maayo nga mga komento sang duha sa kada isa kun sa diin excited man ang mga ini para sa ila nga hampang.
