Nag-abante na sa semifinals sang Guangzhou Open sanday Alexandra “Alex” Eala sang Pilipinas kag Nadiia Kichenok sang Ukraine.
Ini matapos sila nagdaog batok sa Russian duo nga sanday Polina Kudermetova kag Kamilla Rakhimova, sa iskor nga 6-3, 7-5, sa ila quarterfinal match kahapon sa China.
Apisar pa nga naka-reord sang 4-3 nga abanse ang mga Ruso sa ikaduha nga set, gilayon man nakabawi sanday Eala kag Kichenok.
Antes sini, ginlutos man sang Filipino-Ukrainian duo sanday Emily Appleton sang Great Britain kag Qianhui Tang sang China sa Round of 16, kun sa diin nagdaog sila sa iskor nga 6-4, 6-2.
Bangud sang ila kadalag-an, isa naman ka importante nga milestone ang nadugang sa international career ni Eala.
Masunod nila nga makasambuwa amo sanday Katarzyna Piter sang Poland kag Janice Tjen ng Indonesia.
