Natapos sa Round of 32 ang kampanya ni Alex Eala sa 2026 Bad Homburg Open sa Germany matapos ginlutos ini ni former world No. 12 Elise Mertens sang Belgium.
Nagtakop ang hampang sa score nga 6-3, 6-3.
Magapadayon ang 21-anyos nga Pinay sa doubles draw kun sa diin partner sini ang tennis legend nga si Venus Williams.
Pagkatapos, magahampang siya sa Wimbledon kun sa diin natalana siya nga magsulod bilang 29th seed.
Antes sa Bad Homburg Open, nagbalik si Eala sa Top 30 sang WTA rankings.
Lima ka pwesto ang ginsaka ni Eala pakadto sa no. 30 matapos ang iya kampanya sa WTA 500 Berlin Open kun sa diin nakalab-ot ini sa semifinals.
Duha ka Top 10 players ang ginlutos sini sa Berlin nga amo sanday World No. 2 Elena Rybakina kag World No. 8 Elina Svitolina sa back-to-back matches antes ini nalutos sa semis kay Czech powerhouse Linda Noskova nga amo ang nangin dalayon nga kampyon sa tournament.
Ang pinakamataas nga rank ni Eala amo ang ika-29 sa WTA nga nalab-ot sini sang Marso.
