Indi nagakadapat kahadlokan sang tawo ang kamatayon kag sa pagkamatuod dapat pa ini nga i-look forward.
Sa interview sang Bombo Radyo kay Msgr. Meliton Oso, director sang Jaro Archdiocesan Social Action Center, iya ginpahayag nga madamo sang mga tawo ang nagakahadlok sa kamatayon bangud sa pagdumdom nga diri nagatapos ang tanan.
Apang pinaagi sa Pagkabanhaw ni Hesus, ginapahanumdom ang mga tawo nga ang kamatayon ang palaagyan lamang.
Sa sini nga perspektibo, indi nagakadapat magkahadlok sa kamatayon suno kay Oso bangud tanan nga tawo ang nagakabuhi kay Hesus.
Ang kamatayon ang ginlutos mismo ni Hesus subong nga Easter Sunday.
Gani sa baylo nga kahadlokan ang kamatayon, nagakadapat pa ini nga i-welcome bangud nagadala ini sang panibag-o nga kabuhi nga mas bug-os, mas puno sang kalipay kag mas puno sang katarungan.
