ILOILO CITY – Aminado si Magdalo partylist Rep. Gary Alejano nga mabudlayan sila makakuha sang nagakaigo nga numero sa Kamara para sa impeachment complaint nga iya ginpasaka batok kay Presidente Rodrigo Duterte.
Ginpahayag sang kongresista sa interview sang Bombo Radyo nga indi man lipod sa tanan nga mabaskog ang puwersa sang “super majority” ukon mga mamalidha nga nagsuporta sa Duterte administration, sa manubo nga panalgan sang Kongreso.
Apang positibo gihapon si Alejano nga makakuha sang numero para mapasaka ang impeachment complaint sa Senado.
Subong pa lang suno kay Rep. Alejano, may pila na ka mga congressmen nga nagpahayag sang suporta sa impeachment kag santo sa iya pagkonsulta sa mga kaupdanan sa Kamara, madamo ang posible magsuporta sa iya ginpasaka nga reklamo.
Posible suno sa kongresista nga may impact man sa desisyon sang pila ka mamalidha, ang pagkuha sang ila committee chairmanship matapos nga wala magboto pabor sa death penalty.
Kadungan sini, ginpasiguro sang Magdalo congressman nga mabug-at ang ginauyatan nila nga ebidensiya batok sa presidente.
Ipaguwa ito sa nagakaigo nga ti-on suno kay Alejano samtang may poder man ang komite sa Kamara nga mag-subpoena sang mga ebidensiya.