Gin-aprubahan sang Economic and Development Council nga ginapamunuan ni President Ferdinand Marcos Jr. ang P279.5 billion nga proyekto para sa edukasyon, transportasyon kag agrikultura.
Kabahin man diri ang P105.69 billion nga School Infrastructure Project Phase III nga magapatindog sang 16, 459 ka mga classrooms sa Luzon umpisa 2027 tubtob 2028 para sa masobra 800,000 nga mga estudyante kada tuig .
Upod man ang P28.24 billion nga proyekto sa mga taytay para sa mga mangunguma kag ang pagpalawig sang Farm-to-Market Bridges Program nga makapatindog sang ginatos nga mga taytay sa nagkalain-lain nga rehiyon.
Suno sa Department of Economy, Planning and Development (DEPDev) ginatuyo sang mga proyekto nga pabaskugon ang edukasyon, konektibidad kag inklusibo nga pagpauswag sang ekonomiya.
