Pagatutukan ang Economic and Trade sa pagahiwaton nga 49th Meeting of the High-Level Task Force on ASEAN Economic Integration (HLTF-EI) sa siudad sang Iloilo nga pagahiwatun sa Pebrero 25 tubtob 27.
Sa interview sang Bombo Radyo kay Iloilo City Mayor Raisa Treñas, iya ginpahayag nga dako ang iya pagpasalamat bangud nga napilian ang syudad sang Iloilo nga mangin host sang nasambit nga aktibidad.
Suno pa sa iya, ini man amo ang tion agud nga mahatagan man sang highlight ang mga heritage houses, pagkaon kag tourist spot sa lugar.
Kaangot diri, nagpakig-angot naman ang alkalde sa Iloilo City Police Office para sa seguridad sang mga ginpaabot nga mga delegado.
Ang mga representative nga magapadulong sa siudad amo ang halin sa mga pungsod kaangay sang Brunei, Cambodia, Indonesia, Laos, Malaysia, Myanmar, Philippines, Singapore, Thailand, Timor-Leste kag Vietnam.
 sa siudad sang Iloilo nga pagahiwatun sa Pebrero 25 tubtob 27){kind=link}