Ginpanubuan sang S&P Global Ratings ang ila economic growth forecasts sa pungsod para sa sini nga tuig 2021 kag 2022.
Ini nga tikang ang ginabasol sang Debt watcher sa COVID-19 pandemic-related lockdowns nga ginapatuman sa nanuhay-tuhay nga bahin sang pungsod.
Suno sa S&P Global Ratings, nangin dako nga huol ang intermittent lockdowns sa economic activity sa diin mas ginpahugtan pa subong ang mga pagsulundan bangud sa pagsulod sang Delta COVID-19 variant.
Bangud sini, mahimo nga 4-5 percent lang ang mangin rate sang economic growth para sa sini nga tuig kag kun magpadayon pa ang nagalala nga sitwasyon, posible nga magasarurot sa gihapon ang ekonomiya sang pungsod sa 2022.
